Kasetyanmu

Sliramu kadya wintang
Kang sumunar ing tawang sing cahyane abu-abu
Sanadyan adoh saka pangrengkuhku
Nanging tansah cedhak ing atiku

Sliramu tansah ngancani aku
Nalika wektu nandhang papa cintraka uga bebungah
Sliramu lir rembulan
Ingkang tansah maringi pepadhang

Sanadyan kala-kala
Dakgawe tatoni penggalihmu
Nanging...
Sliramu nampani kanthi jembar segara

Limang tetembungan
Kanggo sliramu
Aku tansah tresna marang sliramu
Iku untabing atiku sing paling jero